LIVE TV
അക്ഷയ് കുമാറും ടൈഗര് ഷറോഫും മുഖ്യവേഷങ്ങളിലെത്തിയ ചിത്രമാണ് 'ബഡേ മിയാന് ഛോട്ടേ മിയാന്'. വമ്പൻ ബജറ്റിലും വലിയ ഹൈപ്പിലുമെത്തിയ സിനിമയ്ക്ക് തിയേറ്ററുകളിൽ ആദ്യ ദിനം മുതൽ തകർന്നടിയുകയായിരുന്നു. ഈദ് റിലീസായി ഏപ്രിൽ 10 ന് റിലീസ് ചെയ്ത സിനിമയുടെ ബജറ്റ് 350 കോടി രൂപയാണ്. എന്നാൽ രണ്ടാഴ്ച പിന്നിടുമ്പോൾ സിനിമയ്ക്ക് ആഗോളതലത്തിൽ നേടാനായത് വെറും 90 കോടി മാത്രമാണ്.
ഇതോടെ സിനിമയുടെ ബജറ്റും പ്രധാന കഥാപാത്രങ്ങളായ അക്ഷയ് കുമാറിന്റെയും ടൈഗര് ഷറോഫിന്റെയും പ്രതിഫലവുമെല്ലാം സമൂഹ മാധ്യമങ്ങളിൽ ചർച്ചയാവുകയും ചെയ്തു. ബഡേ മിയാന് ചോട്ടേ മിയാനിൽ അക്ഷയ് കുമാറിന് ലഭിച്ചിരിക്കുന്നത് 80 കോടിയാണെന്ന് ഫിനാന്ഷ്യല് എക്സ്പ്രസ് റിപ്പോര്ട്ട് ചെയ്തത്. ടൈഗര് ഷ്രോഫിന് 40-45 കോടി രൂപ വരെ ലഭിച്ചതായും റിപ്പോർട്ടുകളുണ്ട്. ഇരുവരും ചേർന്ന് വാങ്ങിയ പ്രതിഫലം 120 കോടിക്ക് മുകളിൽ വരും. ഈ പണം പോലും സിനിമയ്ക്ക് നേടാൻ കഴിഞ്ഞില്ലെന്നാണ് സോഷ്യൽ മീഡിയയിൽ പലരും പരിഹസിക്കുന്നത്.
'ഐ ലവ് വിജയ്'; 'ഗില്ലി' ആവേശത്തിൽ ദളപതി രസികൻ ഫ്രം ചൈന, വീഡിയോ വൈറൽഅലി അബ്ബാസ് സഫർ സംവിധാനം ചെയ്യുന്ന ചിത്രത്തിൽ മലയാളത്തിന്റെ സ്വന്തം പൃഥ്വിരാജും പ്രധാന കഥാപാത്രത്തെ അവതരിപ്പിക്കുന്നുണ്ട്. അലി അബ്ബാസ് സഫറും ആദിത്യ ബസുവും ചേർന്ന് തിരക്കഥ ഒരുക്കിയിരിക്കുന്ന ചിത്രത്തിന്റെ നിർമ്മാണം വഷു ഭഗ്നാനി, ദീപ്ഷിഖ ദേശ്മുഖ്, ജാക്കി ഭഗ്നാനി, ഹിമാൻഷു കിഷൻ മെഹ്റ, അലി അബ്ബാസ് സഫർ എന്നിവരാണ്. ഹിന്ദിക്ക് പുറമെ തമിഴ്, തെലുങ്ക്, മലയാളം, കന്നഡ ഭാഷകളിലും ചിത്രം റിലീസ് ചെയ്തിട്ടുണ്ട്.
