പട്ന : കടിച്ച പാമ്പിനെ തിരിച്ച് കടിച്ച് കൊന്ന് യുവാവ്. നവാഡ സ്വദേശിയായ സന്തോഷ് ലോഹറിനെ റെയില്വേ ലൈന് സ്ഥാപിക്കുന്ന ജോലി കഴിഞ്ഞ് ബേസ് ക്യാമ്പില് രാത്രി ഉറങ്ങുന്നതിനിടെയാണ് പാമ്പ് കടിച്ചത്.
പാമ്പിനെ തിരിച്ച് കടിച്ചാല് വിഷം നിര്വീര്യമാകുമെന്ന അന്ധവിശ്വാസത്തില് ആണ് 35കാരന് പാമ്പിനെ രണ്ട് തവണ തിരിച്ചുകടിച്ചതെന്നാണ് റിപ്പോര്ട്ടുകള്. കൈയില് എടുത്ത് കടിച്ചതിന് പിന്നാലെയാണ് പാമ്പ് ചത്തത്.
ഇതിന് പിന്നാലെ ആരോഗ്യനില മോശമായ ലോഹറിനെ ആശുപത്രിയില് പ്രവേശിപ്പിച്ചു. സഹപ്രവര്ത്തകര് ചേര്ന്ന് യുവാവിനെ രജൗലി സബ്ഡിവിഷന് ആശുപത്രിയിലാണ് എത്തിച്ചത്. ലോഹര് വേഗത്തില് സുഖം പ്രാപിക്കുകയും അടുത്ത ദിവസം തന്നെ ഡിസ്ചാര്ജ് ചെയ്യുകയും ചെയ്തു.
LIVE TV
