LIVE TV
കൊച്ചി: യൂണിവേഴ്സിറ്റി യൂണിയന് തിരഞ്ഞെടുപ്പുകളില് 'ചെയര്മാന്' എന്നതിന് പകരം 'ചെയര്പേഴ്സണ്' എന്ന് അഭിസംബോധ ചെയ്യണമെന്ന് കെഎസ്യു. വിജ്ഞാപനത്തിലും നാമനിര്ദ്ദേശപത്രികയിലും തിരുത്തല് വേണമെന്ന് കെഎസ്യു ആവശ്യപ്പെട്ടു.
ആവശ്യമുന്നയിച്ച് എല്ലാ വൈസ് ചാന്സിലര്മാര്ക്കും സംഘടന കത്ത് നല്കി. കെഎസ്യു സംസ്ഥാന വൈസ് പ്രസിഡന്റ് ആന് സെബാസ്റ്റ്യന് ആണ് പരാതി നല്കിയത്. പലയിടത്തും ചെയര്മാന് എന്നതിന് പകരം ചെയര്പേഴ്സണ് എന്ന് തന്നെയാണ് വിളിക്കുന്നതെങ്കിലും ഔദ്യോഗികമായി മാറ്റണമെന്നാണ് കെഎസ്യുവിന്റെ ആവശ്യം.
സ്റ്റുഡന്റ്സ് യൂണിയൻ തിരഞ്ഞെടുപ്പ് സംബന്ധിച്ച വിജ്ഞാപനത്തിൽ 'ചെയർമാൻ' എന്ന പദം ഉപയോഗിച്ചു കാണുന്നു. കാലാനുസൃതമായ മാറ്റം ഉൾകൊണ്ട് എം ജി സർവകലാശാല തുടങ്ങി മറ്റു സർവകലാശാലകൾ 2021-22 അധ്യയന വർഷം മുതൽ 'ചെയർപേഴ്സൺ' എന്ന പദം ഉപയോഗിച്ച് വരുന്ന സാഹചര്യത്തിൽ കേരള, കാലിക്കറ്റ് , കണ്ണൂർ സർവകലാശാലകൾ ഇതേ മാറ്റം ഉൾകൊള്ളേണ്ടിയിരിക്കുന്നു. സംസ്ഥാനവ്യാപകമായി ലിംഗ സമത്വത്തിനും, ലിംഗ നീതിക്കുമായി സാമൂഹികവും നിയമപരവുമായി നടക്കുന്ന ഇത്തരത്തിലുള്ള ചെറിയ ശ്രമങ്ങൾ തന്നെ വലിയ മാറ്റത്തിന് വഴി തെളിയിക്കുന്നുണ്ട്, ആ സാഹചര്യത്തിൽ തിരഞ്ഞെടുപ്പ് വിജ്ഞാപനം പിൻവലിക്കുകയും 'ചെയർമാൻ' എന്ന പദം 'ചെയർപേഴ്സൺ' എന്ന് പുനർനാമകരണം ചെയ്യുന്നതിനും സ്റ്റുഡൻസ് യൂണിയൻ തെരഞ്ഞെടുപ്പ് പുനർ വിജ്ഞാപനം ചെയ്യണമെന്നും ആവശ്യപ്പെട്ടുകൊണ്ട് ആണ് ആൻ സെബാസ്റ്റ്യൻ സർവകലാശാല അധികൃതർക്ക് കത്തയച്ചത്.
